အမှာ
ဤစာအုပ်၌ စုစည်းထားသော နန္ဒာသိန်းဇံ၏ ကြာနှင့် ပတ်သက်သော အကြောင်းအရာ များတွင် နိဒါန်းပိုင်းနှင့် အပိုင်း (၁)၊ အပိုင်း (၂) တို့သည် ရေးသားသော အချိန်ကာလအားဖြင့် ခြားနားကြသော်လည်း အကြောင်းအရာအားဖြင့် ဆက်စပ်လျက်ရှိသည်ဟု ယူဆနိုင်ပါသည်။ ယင်းတို့ကို ယခုကဲ့သို့ စုစည်းရိုက်နှိပ်ခွင့်ပေးသော ဆရာ နန္ဒာသိန်းဇံနှင့် စာအုပ် မျက်နှာဖုံး ဒီဇိုင်း ရေးဆွဲပေးသော ပန်းချီ အနုပညာရှင် ဆရာ ပေါ်ဦးသက်တို့အား ကျေးဇူးတင်ရှိပါကြောင်း မှတ်တမ်းတင် ဖော်ပြအပ်ပါသည်။

(နံနက်စောစောတွင် ပွင့်သော အနံ့ကောင်းသော
အနံ့ မပြယ်သော ကောကနာဒ မည်သော ပဒုမ္မာ
ကြာပန်းကဲ့သို့ လည်းကောင်း၊ ကောင်းကင်၌ အမိုက်
မှောင်ကို ပယ်ဖျောက်လျက် ထွန်းလင်းတောက်ပသော
နေမင်းကဲ့သို့ လည်းကောင်း၊ တင့်တယ်တော်မူသော
ကိုယ်တော်မှ ထွက်သော ရောင်ခြည်ရှိတော်မူသော
မြတ်စွာဘုရားကို ဖူးမြင်ပါလော့။
ပဉ္စရာဇသုတ် - ကောသလသံယုတ်)