ကိုယ်ကျင့်တည်ကြည်ခြင်းနှင့်အဆင့်မြင့်ခရီးစဉ်

Sep 30, 1977

by နန္ဒာသိန်းဇံ

 0.00 - 0 ratings - 0 reviews
တစ်နေ့ပြီး တစ်နေ့ ဖြတ်ကျော်၍ တစ်သားတည်း သွားနေရသည့် ဘဝခရီး တစ်လျှောက်၌ မသိမှားမှုတို့ကြောင့် ပြုမိမှား၊ ပြောမိမှားတို့ဖြင့် နောင်တအထွေထွေ၊ ပူပန်သောက အထွေထွေတို့ ဖြစ်ရခြင်းမှလည်းကောင်း၊ အဝိဇ္ဇာမှောင်၌ ယုံမှားတွေဝေခြင်း၊ အမျိုးမျိုးဖြင့် အဆိုးကိုအကောင်းထင်၊ ဒုက္ခကို သုခထင်လျက် စမ်းတဝါးဝါး လှမ်းလျှောက်နေရာမှ လမ်းလွဲ လျှောကျခြင်းမျိုးတို့မှ လည်းကောင်း၊ မဆုံမတွေ့လိုသော်လည်း ကြုံတွေ့လာရတတ်သည့် မချစ်မနှစ်သက်သောသူ၊ မချစ်မနှစ်သက်သော အရာနှင့် အတူတူ ခရီးဆက်ရခြင်းကြောင့် ရန်ငြိုး ဒေါသတို့ဖြင့် စိတ်ပင်ပန်း၊ ကိုယ်ပင်ပန်းဖြစ်ရခြင်းတို့မှ လည်းကောင်း၊ ချစ်သူခင်သူ၊ မြတ်နိုးရသူ၊ ချစ်သော အရာ၊ မြတ်နိုးသော အရာတို့နှင့် ကြည်သာ ရွှင်ပြုံးလျက် ခရီးဆုံးတိုင် အတူတူသွားလိုသော်လည်း လမ်းခုလတ်၌ပင် အပြီးတိုင် ခွဲခွာ နှုတ်ဆက်ခဲ့ရ၍ ယူကျုံးမရ ဖြင့် ကြေကြေ မြည့်မြည့် ဆွေးဆွေးနင့်နှင့် ဖြစ်ရခြင်းတို့မှလည်းကောင်း၊ ရင်မဆိုင်လိုသော်လည်း ရင်ဆိုင်လာရမည့် အိုမင်းခြင်း ဒုက္ခ၊ နာရခြင်း ဒုက္ခ၊ သေရခြင်း ဒုက္ခတို့မှ လည်းကောင်း လွန်မြောက်ရာ ခရီးလမ်းကို ညွှန်ပြတော်မူသည့် မြတ်ဗုဒ္ဓအား ရိုသေမြတ်နိုးစွာ ရှိခိုး ကန်တော့ပါသည်။

နန္ဒာသိန်းဇံ


Reviews

Id Photo Reviews
နန္ဒာသိန်းဇံ ၏ စာအုပ်များ

Readers

Feedback  | About Us